పంచాంగ విషయాలు 5 - రాశులు

రాశులు నక్షత్రములు, పాదములు, రాశులు, వాని ప్రతి నామములు, వాని ఘడియలు
 
1 అశ్వని (4 ) భరణి (4 ) కృత్తిక (1 ) -మేషము - మేక - 4 1 /4 ఘడియలు .
 
2 కృత్తిక  (3 ) రోహిణి (4 ) మృగశిర (2 ) - వృషభము - ఎద్దు - 4 3 /4 ఘడియలు .
 
3 మృగశిర (2 ) ఆర్ద్ర ( 4 ) పునర్వసు (3 ) -మిధునము - దంపతులు - 5 1 /4 ఘడియలు .
 
4 పునర్వసు (1 )పుష్యమి (4 )ఆశ్లేష (4 ) - కర్కాటకము - పీత - 5 1 /2  ఘడియలు .
 
5 మఘ (4 ) పుబ్బ (4 ) ఉత్తర (1 ) - సింహము - సింగము -5 1 /4 ఘడియలు .
 
6 ఉత్తర (3 ) హస్త (4 ) చిత్త (2 ) -కన్య - పడుచు -5 ఘడియలు .
 
7 చిత్త (2 ) స్వాతి (4 ) విశాఖ (3 ) - తుల - త్రాసు -5  ఘడియలు .
 
8 విశాఖ (1 ) అనూరాధ (4 ) జ్యేష్ట (4 ) - వృశ్చికము - తేలు -5 1 /4 ఘడియలు .
 
9 మూల (4 ) పూర్వాషాడ (4 ) ఉత్తరాషాడ (1 ) - ధనుస్సు - విల్లు - 5 1 /2 ఘడియలు .
 
10 ఉత్తరాషాడ (3 ) శ్రవణము (4 ) ధనిష్ఠ (2 )- మకరము - మొసలి - 5 1 /4 ఘడియలు .
 
11 ధనిష్ఠ  (2 ) శతబిశం (4 ) పూర్వాబాద్ర (3 ) - కుంభము -కడవ -4 3 /4 ఘడియలు.
 
12 పూర్వాభాద్ర (1 ) ఉత్తరాబాద్ర (4 ) రేవతి (3 ) - మీనము - చేప - 4 1 / 4 ఘడియలు .
 
12 రాశులకు కలిపి మొత్తం 60 ఘడియలు (సావన 59 ఘ .50 విఘడియలు ). ఇచ్చట సాదారణముగా ఇవ్వబడింది . ఇవి ప్రతి అక్షాంశమునకు మారును.
 
నక్షత్రములు వాని ఆకారములు :
 
1 అశ్వని - గుఱ్ఱము ముఖమును చోలి 3 నక్షత్రములుండును
  భరణి - త్రిభుజము చోలిన 3 నక్షత్రములు దగ్గరగా నుండును .
  కృత్తిక - కొడవలి యాకారముగా 6 నక్షత్రములుండును
  రోహిణి - శకటము (బండి ) వలె 3 నక్షత్రములుండును
  మృగశిర - మృగము తల వలె 3 నక్షత్రములుండును
  ఆర్ద్ర  - పగడము పోలి ఒక నక్షత్రము చక్కగా నుండును.
  పునర్వసు - ధనుస్సు వంటి యాకారము పోలి 5 నక్షత్రములుండును
  ఆశ్లేష - పాము వలె మెలికలుగా 6 నక్షత్రములుండును
  మఘ - పల్లకి యాకారములో 5 నక్షత్రములుండును

 పుబ్బ, ఉత్తర - రెండేసి చతురస్రాకారముగా 4 నక్షత్రములుండును
  హస్త -హస్తము లేక అరచేతి వలె 5 నక్షత్రములుండును
  చిత్త - ముత్యము వలె గుండ్రముగా ఒకటే నక్షత్రములుండును
  స్వాతి - మాణిక్యాకారముగా ఒకటే నక్షత్రములుండును
  విశాఖ - (సారిక ) కుమ్మరి చక్రము పోలి 5 నక్షత్రములుండును
  అనూరాధ , జ్యేష్ట - (చత్రాకారము) గొడుగును పోలి 6 నక్షత్రములుండును
  మూల - చెంబును పోలి 5 నక్షత్రములుండును
  పూర్వాషాడ ,ఉత్తరాషాడ - ఖేకము వలె 2 నక్షత్రములుండును
  శ్రవణము - ఒకే పంక్తిగా, వేణువు వలె 3 నక్షత్రములుండును
  ధనిష్ఠ - మద్దెల యాకారముగా నేర్పడి 3 నక్షత్రములుండును
  శతభిషం - చూచుటకు విందుగా, వరుస వరుసగా 100 నక్షత్రములుండును
  పూర్వాభాద్ర , ఉత్తరాభాద్ర - రెండేసి రెండేసి 4 నక్షత్రములుండును
  రేవతి - చేప వలె 3 నక్షత్రములుండును

ఏలినాటి శని : ప్రతి మానవుని జీవిత కాలమందు ముప్పది ఏండ్ల కోక మారు ఏలినాటి శని ప్రవేశించును. జన్మ రాశికి - నామ రాశికి - ద్వాదశమునందు - లగ్నము నందు , ద్వితీయము నందు - శని యున్నచో ఎల్నాటి శని యందురు. శని గ్రహము ఒక్కొక్క రాశి యందు 2 1/2 సంవత్సరముల కాలము సంచారము -మొత్తము కలిపి ఏడున్నర సంవత్సర కాలము ఎల్నాటి శనియున్నదన్నమాట .
ఫలితము: ద్వాదశ  రాశి యందున్నప్పుడు  -ధన వ్యయము , మానసిక భాద , అందోళనములు , కుటుంబ సమస్యలు, వ్యాపార, వృత్తులందు వ్యతిరేకములు కలుగును.
జన్మరాశి యందున్నప్పుడు - బంధు మిత్ర ద్వేషములు, ధన నష్టము - కుటుంబ స్థితి తారుమారుగా ఉండును. కొన్ని శుభ గ్రహ వీక్షణచే ప్తయత్న పూర్వక ధనాదాయము , మిశ్రమ ఫలితములు ఉండవచ్చును. కళత్ర పీడ, మతి బ్రమణం, దీర్ఘ వ్యాదులు కలుగ వచ్చును .
ద్వితీయము నందున్నప్పుడు - ఆశా జీవి యగును . నిందలు పడుట, నిత్య దు : ఖము కలుగును. మానసికముగా క్రుంగదీయును .పై కాలములందు మాస శివ రాత్రి రోజున శని పూజలు చేయుట మంచిది.
సం    నె    రో
ముఖము నందు         0  3  10 శరీర పీడ - ధన నష్టాదులు
దక్షిణ భుజము           1  1   00 ఉద్యోగ వృత్తులందు లాభాదులు
పాదములందు            1  8  10  అశాంతి - దిగులు - అవమానములు
హృదయస్థానము        1  4  20  ధన ప్రాప్తి - గౌరవము - కీర్తి
వామ భుజము           1  1  10  వ్యాధి పీడ - ధన వ్యయము
శిరో భాగము               1  10  00  సంతోషము -ధనాదాయము
కన్నులు                    0  6  20  మన్నన - కుటుంబ సంతోషము
గుదము                     0  6  20  ప్రమాద భరితములు - కీర్తి ధన నష్టము

శని బాధ పడుచున్నవారు నువ్వులు, బెల్లం, నూనె, నవధాన్యములు కలిపి 27 ప్రదక్షిణములు శనీశ్వరునకు చేసి శని విగ్రహము మీద పోస్తే శని దోష మంతయు తొలగి శుభాలు శీఘ్రముగా పొందవచ్చును. మృత్యుంజయ, నవగ్రహ హోమాలు, దానాలు చేస్తే త్వరగా శుబాలు పొందుతారు.
సూచన : దీక్ష  40 రోజులు చేయాలి .
రాహు కేతువులు 3 - 6 - 11 స్థానము లందున్నచో శత్రు జయము అప్రయత్న లాభములు, గౌరవము , పుణ్య క్షేత్ర సందర్శనములు, తీర్ద యాత్రము చేయుట శుభములు కలుగును, కార్య సిద్ది కల్గును.
సూచన : అన్ని గ్రహములు  1  - 8  - 12  స్థానములందున్నచో  కష్ట నష్టాదులు ఏర్పడును .

పంచాంగ విషయాలు 4-అవయవములు ఆదరుట వలన ఫలము

అవయవములు ఆదరుట వలన ఫలము

 
కుడి ప్రక్కన అదిరిన మేలు,ఎడమప్రక్కన మధ్యమ ఫలము. నడినెత్తిన మృష్టాన్నము , నొసలు మేలు, కుడి చంప రాజ భయం, ఎడమ చేయి ఉద్యోగము, స్త్రీలకు కుడి కన్ను కీడు, ఎడమ కన్ను మేలు, రెండు కన్నులు అదిరిన మేలు. ముక్కు రోగం . ముక్కు రోగం .పై పెదవి కలహము.క్రింద పెదవి భోజన సౌఖ్యము. గడ్డము లాభము. కుడి చెక్కిలి ధనము. ఎడమ చెక్కిలి దొంగల భయము. కుడి భుజము సంభోగము. ఎడమభుజము కీడు. రొమ్ము ధనము. చేతులు వాహన లాభం. అరచేయి సంతానం .కుడి తోడ రాజ జయము. మోకాళ్ళు జాడ్యము. మొగాళ్ళు దాన్యలాభము . అరికాళ్ళు సౌఖ్యము.ప్రక్క ఆభరణ ప్రాప్తి.

పంచాంగ విషయాలు 3- శకున ఫలితములు

పంచాంగ విషయాలు - శకున ఫలితములు

శుభ శకునములు
కన్యలు, ముత్తైదువలు , పువ్వులు, భోగంసాని, పండ్లు ,కుంకుమ ,పసుపు, పాలు, మంగళ వాద్యములు, మండుచున్న కాగడా, గంటాద్వని, విజయ శబ్దములు, గాడిద అరుపు ,వేదనాదము, జంట బ్రాహ్మణులు ,చల్లటి గాలి,గుఱ్ఱములు, ఏనుగులు, ఆవులు, చేపలు, సంతోషవార్తలు, తెల్లని గొడుగు, నీళ్ళ బిందెలు, మద్దెలలు, వీణ, శంఖము, కర్ర పట్టుకొనినవాడు, నీళ్ళ బిందెలతో స్త్రీలు, అనుకూలమైన గాలి ఇవి ఎదురగుట మంచిది.
అశుభ శకునములు
ఎక్కడకు వెళ్తున్నావని అడుగుట , ఎందుకని అడుగుట, నేనూ వచ్చేదననుట , కొంతసేపు ఆగమనుట, ఒక్కడివీ వెల్ల వద్దనుట,భోజనం చేసి వెళ్ళమనుట , వంటివి వినుట మంచిది కాదు. తుమ్ములు వినుట, పొగతో ఉన్న నిప్పు ,గ్రుడ్డివాడు, విధవ, నూనె కుండ, ఆయుధము, గొడ్డళ్ళు, బోడివాడు , ఏడ్చు చున్నవారు, ఒంటి బ్రాహ్మణుడు, దిగంబరుడు , వాన, గాలి, రక్త దర్శనము, కష్టమైన మాటలు వినుట ,పిల్లి, కాకి, పాము, కోళ్ళు ,కోతులు  అడ్డుగా వచ్చుట అశుభ శకునములు.
అశుభ శకునములు ఎదురైన, వెళ్ళుట తప్పని సరియైనప్పుడు ' వాసు దేవాయ మంగళం' అని భగవంతుని స్మరిస్తూ బయలు దేరవలెను.

జ్యోతిష విద్యా ప్రకాశిక

జ్యోతిష విద్యా ప్రకాశికJyothisha-VidyaPrakashika-1928 by Pantula Parakrijaya astro

జ్యోతిష సారము 1-2

జ్యోతిష సారము 1&2, Jyothisha-Saaramu by Pantula Parakrijaya astro

పంచాంగ విషయాలు 2

పంచాంగ విషయాలు 2

వర్జ్యం : ' వర్జింపుట ' అనగా వదలివేయుట అని అర్ధము. ప్రతి దినము కాలెండరు నందు చెప్పబడు రాహుకాల, దుర్ముహూర్త వర్జ్యాదులలో ఏ కార్యము తల పెట్టినను అది సంపూర్ణ ఫల మందించదు. కావున అట్టి సమయములలో ఏ శుభ కార్యమును ప్రారంబించరాదని ఆర్యుల అభిప్రాయము. మన ఆంధ్ర రాష్ట్రములో ఎక్కువగ పాడిలో నున్నది . వర్జ్యము ( దక్షినాది రాష్ట్రాల వారు రాహు కాలము, యమగండము వంటివి పాటించెదరు ). ప్రతి శని వారము సూర్యోదయంతో ప్రారంబమగునది దుర్ముహూర్తం . సూర్యోదయంతో మొదలయ్యే 5  ఘడియలు అనగా  1 గం . 40 ని .పాటు ఈ దుర్ముహూర్తముండును. కాన ఆ సమయమందును  ఏ శుభ కార్యము తల పెట్ట రాదు. రాహు కాల యమగండ కాలములు నిత్యము నిర్దిష్ట సమయములలో ఉండును. అవి చూచుకొని ఆయా సమయములలో కాక మిగిలిన శుభ ఘడియలలో కార్యములు తల పెట్టిన అవి నిర్విఘ్నముగా  నెరవేరును.
ఏలినాటి శని : ప్రతి మానవుని జీవిత కాలమందు ముప్పది ఏండ్ల కోక మారు ఏలినాటి శని ప్రవేశించును. జన్మ రాశికి - నామ రాశికి - ద్వాదశమునందు - లగ్నము నందు , ద్వితీయము నందు - శని యున్నచో ఎల్నాటి శని యందురు. శని గ్రహము ఒక్కొక్క రాశి యందు 2 1/2 సంవత్సరముల కాలము సంచారము -మొత్తము కలిపి ఏడున్నర సంవత్సర కాలము ఎల్నాటి శనియున్నదన్నమాట .
ఫలితము: ద్వాదశ  రాశి యందున్నప్పుడు  -ధన వ్యయము , మానసిక భాద , అందోళనములు , కుటుంబ సమస్యలు, వ్యాపార, వృత్తులందు వ్యతిరేకములు కలుగును.
జన్మరాశి యందున్నప్పుడు - బంధు మిత్ర ద్వేషములు, ధన నష్టము - కుటుంబ స్థితి తారుమారుగా ఉండును. కొన్ని శుభ గ్రహ వీక్షణచే ప్తయత్న పూర్వక ధనాదాయము , మిశ్రమ ఫలితములు ఉండవచ్చును. కళత్ర పీడ, మతి బ్రమణం, దీర్ఘ వ్యాదులు కలుగ వచ్చును .
ద్వితీయము నందున్నప్పుడు - ఆశా జీవి యగును . నిందలు పడుట, నిత్య దు : ఖము కలుగును. మానసికముగా క్రుంగదీయును .పై కాలములందు మాస శివ రాత్రి రోజున శని పూజలు చేయుట మంచిది.
సం    నె    రో
ముఖము నందు         0  3  10 శరీర పీడ - ధన నష్టాదులు
దక్షిణ భుజము           1  1   00 ఉద్యోగ వృత్తులందు లాభాదులు
పాదములందు            1  8  10  అశాంతి - దిగులు - అవమానములు
హృదయస్థానము        1  4  20  ధన ప్రాప్తి - గౌరవము - కీర్తి
వామ భుజము           1  1  10  వ్యాధి పీడ - ధన వ్యయము

పంచాంగ విషయాలు 1

 పంచాంగ విషయాలు:-
                తిధి, వార, నక్షత్ర  వివరములతో  గ్రహ గమనాలతో , శుభ దినములతో , పండుగలతో, శుభాశుభ ముహూర్తములతో సూర్యోదయ ,అస్తమయ సమయములతో, వర్జ్య , దుర్ముహూర్త సమయములతో ప్రతిరోజూ మీ ముందుండెడిదే ఈ పంచాంగము.
 
        ఈ పంచాంగము  నక్షత్రముల , రాశుల దిన ,వార , మాస ,సంవత్సరాల వారీ ఫలితాలతో,గ్రహ దోషాలు, వాటి నివారణలతో  సామాన్యులకు కూడ అర్ధ మగు రీతిలో మీ కందించబడుతుంది . ఈ అనంత మైన  విశ్వములో మనము నివసించు చున్న భూమీ ఒక గుండ్రని గోళము.అటువంటి  గోళములో విశ్వములో లెక్కలేనన్ని ఉన్నవి  మనకు పెద్దవిగా కనబడి  ఎక్కువగా చలనము ఉన్న వాటిని గ్రహములని,చిన్నవాటిని నక్షత్రములని అనుచున్నాము. ఈ గ్రహములు ముఖ్యముగా తొమ్మిది . సూర్యుడు ,చంద్రుడు ,అంగారకుడు ,బుధుడు ,గురుడు ,శుక్రుడు ,శని , రాఃహుడు ,కేతువు . సూర్యుడు ప్రధాన గోళముగా ఈ గోళములన్నియు సూర్యునిచుట్టు తిరుగు చున్నవి. వీనిలో కొన్ని ఒక దాని చుట్టూ మరియొకటి తిరుగుచూ ,ఒక దానినొకటి ఆకర్షించు కొనుచున్నవి . ఉదా : భూమి తన చుట్టూ తాను తిరుగుచూ ,సూర్యుని చుట్టూ గూడా తిరుగు చున్నది. చంద్రుడు భూమి చుట్టూ తిరుగు చున్నాడు.
                     భూమి తన చుట్టూ తాను తిరుగుట వలన సూర్యుని వెలుతురు ఒక భూభాగము నుండి  మరియొక భూభాగమునకు మారుటచే రాత్రి , పగలు ఏర్పడుచున్నవి. భూమి తన చుట్టూ తాను ఒకసారి తిరుగుటను ఒక రోజు అనియు , చంద్రుడు భూమి చుట్టూ ఒక ప్రదక్షిణము చేయుటను ఒక నెల అనియు , భూమి సూర్యునిచుట్టు ఒక ప్రదక్షిణము చేయుటను ఒక సంవత్సరము అనియు ప్రపంచము లోని అన్ని దేశములవారు లెక్కించుచున్నారు . గ్రహములు సంచరించుచున్న  మార్గమును మన పూర్వీకులు జ్యోతిశ్చక్రముగా ఊహ చేసి , దానిని 12  భాగములు (రాశులు ) గా భాగించినారు. ఒక్కొక్క భాగములో నున్న నక్షత్రముల రాశులకు ఒక్కొక్క పేరు పెట్టినారు. నక్షత్రములు మొత్తము 27 . ఒక్కొక్క నక్షత్రమునకు 4 భాగములు (పాదములు) ఊహించి అటువంటి నక్షత్ర భాగములను 9 ని ఒక రాశిగా నిర్దారించినారు. వాని రూపములను ఊహించి ఆ ప్రకారము రకరకముల పేర్లు పెట్టినారు. ఒక్కొక్క నక్షత్రమునకు 4  భాగముల వంతున 27 నక్షత్రములకు 108 భాగములకు 12  రాశులు అయినవి. చంద్రుడు భూమి చుట్టూ తిరుగుట వలన మనకు రోజుకొక నక్షత్ర మండలము నుండి కనపడుచున్నాడు . ఏ నక్షత్ర మండలములో చంద్రుడు మనకు కనబడు చున్నాడో ఆ నక్షత్రమును మన పంచాంగపు వ్యవహారములలో ఆనాటి నక్షత్రముగా పరిగణించుచున్నాము .
 
                    పౌర్ణమి నాడు చంద్రుడు ఏ నక్షత్ర మండలములో కనపడునో ఆ నక్షత్రము పేరు ఆ నెలగా వాడుచున్నాము. చిత్తా నక్షత్ర మండలములో చంద్రుడు పౌర్ణమినాడు కనపడు మాసమునకు చైత్రమాసము అని పేరు పెట్టబడినది. ఈ ప్రకారము విశాఖ - వైశాఖ , జ్యేష్ట -జ్యేష్టము , పూర్వాషాడ - ఆషాడము , శ్రవణము - శ్రావణము , ఉత్తరాభాద్ర - భాద్రపదము, అశ్వని - ఆశ్వయుజము, కృత్తిక - కార్తీకము , మృగశిర - మార్గశిరము, పుష్యమి - పుష్యము, మఖ - మాఘము, ఉత్తర ఫల్గుణి - పాల్గుణము అని మనము ఆ నెలలును పిలుచుచున్నాము .
 
                    పై అన్ని విషయములను గూర్చి తెలుపునది పంచాంగము. పంచాంగము ముఖ్యముగా మనకు 5  విషయములను తెలుపును. 1 . తిధి , 2 . వారము , 3 . నక్షత్రము , 4 . యోగము , 5 . కరణము .కనుకనే దానికి పంచాంగము అని పేరు వచ్చినది .